Ný uppboðslisti frá Thomas Hojland

Nýr uppboðslisti kom í hús nýlega frá uppboðsfyrirtæki Thomasar Hojlands. Það teljast alltaf stórtíðindi hjá Íslands-söfnurum þegar þessi listi kemur í hús og oftast er eftirvæntingin mikil þegar rennt er í gegnum uppboðslistann í fyrsta sinni. Því miður verður að segjast að kaflinn um Ísland olli mér persónulega nokkrum vonbrigðum, þó auðvitað megi finna góða hluti innan um. Nokkuð úrval er af bæði skildinga- og auramerkjum þó ekki finnist nein aurabréf í þetta skiptið. Einnig má finna tvö "þrír" frímerki tökkuð 14, annað yfirstimplað með upprunastimplinum "Hraungerði", hitt með Reykjavíkur stimpli. Vert er að geta umslags með Kristjáni IX 5 aur grænum sent frá Reykjavík árið 1910 til Dönsku Vestur Indiu. Auk þess er á uppboðinu eitt númerabréf með "126" (Brjámslækur) á 50 aura lanslagsmerki frá 1925 og ágætu peningabréfi stílað á Halldóru Bjarnadóttur frá Djúpavogi sent 1927. 

BS

Aftur í fréttir     Back to news