Efni næsta félagsfundar (7. sept. 2006)

Næstkomandi fimmtudag mun Sigurður Pétursson fræða okkur um hvernig setja skuli upp frímerkjasöfn til sýninga. Sigurður er okkur frímerkjasöfnurum að góðu kunnur bæði fyrir dómarastörf, en ekki síst fyrir frímerkjasöfnin hans þrjú sem borið hafa eiganda sínum góðan orðstír um allan heim. Má segja að hér beri sérlega vel í veiði fyrir okkur safnara sem hug hafa á því að sýna efni okkar á næstu misserum, næg eru tækifærin. Frímsýn, hin árlega sýning í tilefni dags frímerkisins verður haldin um miðjan október næstkomandi. Einnig er fyrirhugað að setja upp sýningu á Akureyri næsta vor í tengslum við LÍF þing. Síðast en ekki síst má nefna í upptalningu þessari 50 ára afmælissýningu Félags frímerkjasafnara sem haldin verður í Ráðhúsi Reykjavíkur helgina 11.-14. október 2007.

Aftur í fréttir     Back to news