Afmælissýning Félags frímerkjasafnara haldinn 31. mars 2007 í Ráðhúsi Reykjavíkur frá kl. 12:30-14:00

Byrjað var á því að ræða hugmynd frá Gunnari Rafni um að stytta sýningarhelgina og byrja á föstudeginum. Sú tillaga var lögð undir atkvæðagreiðslu og felld með meirihluta atkvæða.

Ákveðið var að dagskrá afmælisshelgarinnar verði í stórum dráttum eftirfarandi:

Miðvikudagur: 12:00-22:00, sýning sett upp.

Fimmtudagur: 8:00-14:00, sýning sett upp. Klukkan 16:00 setur borgarstjóri Rvíkur sýninguna í þröngum hópi sýnenda og meðlima FF og MÍ. Hópmyndataka af meðlimum FF. Sýningin opnuð almenningi kl. 17:00.

Föstudagur: Sýning opin frá 8:00-19:00. Vonir standa til að Seðlabanki Íslands verði með seðlasýningu sína opna fyrir almenning.

Laugardagur: Sýning opin frá 12:00-18:00. Aðrir dagskrárliðir: Markaðshús og flóamarkaður í Iðnó frá kl. 13:00-17:00. Söluborð fyrir einstaklinga, borðið kostar 2.000 kr. Kolaportið opið frá 11:00-17:00. Kvöldverður (Banquet) og verðlaunaafhending.

Sunnudagur: Sýning opin frá 12:00-17:00. Sýning tekin niður klukkan upp úr fimm. Kolaportið opið frá 11:00-17:00.

Þjóðskjalasafnið verður 125 ára á þessu ári og Þjóðskjalavörður ræddi málið við Gunnar Rafn um hvort ekki væri möguleiki á að sýna eitthvað af þeirra góðu hlutum. Gunnar tók vel í það og því vonumst við til þess að fá þeirra góðu hluti á sýninguna.

Brynjólfi var sett það fyrir að ræða við Þjóðskjalasafnið varðandi það að fá lánuð púlt fyrir myntsöfn og önnur borðsöfn.

Fyrir næsta fund var Sveini, Brynjólfi og Kjartani sett fyrir að teikna upp ramma og púlt og leggja þau gögn fyrir á næsta fund.

Þetta prógram verður fljótlega lagt fyrir meðlimi afmælisnefndarinnar og þýtt yfir á ensku og komið fyrir á heimasíðunni. Auk þess var rætt um að lita afmælistengilinn rauðan á heimasíðu FF til að gera hann meira áberandi en nú er.

Aftur á forsíðu     Back