Biblíubréfið kemur heim

Margt góðra safna verða til sýnis á komandi frímerkjasýningu REYKSÝN 2007 11.-14. október næstkomandi í Ráðhúsi Reykjavíkur. Áhugaverðasti einstaki hluturinn verður að teljast "Biblíubréfið", en það ber heiti sitt vegna þess að það er sagt hafa fundist í gamalli fjölskyldubiblíu árið 1972, eða 97 árum eftir að það var sent. Bréfið tilheyrir safni Douglas Storckenfeldt greifa frá Svíþjóð, en hann keypti það inní safn sitt fyrir 1,6 milljónir sænskra króna árið 2005 af uppboðsfyrirtæki í Sviss.

Einungis 14 skildingaumslög eru þekkt í einkaeigu og aðeins þrjú þeirra bera þjónustufrímerki líkt og Biblíubréfið. Ekkert umslaganna 14 ber jafn mörg frímerki, en á Biblíubréfinu eru þau 23 talsins. Bréfið er sent frá landfógeta til sýslumannsins í Árnessýslu. Bréfið er fylgibréf með peningaböggli sem vóg 10 pund og 82 kvint. Sú þyngd var yfir þeim þyngdarmörkum sem gangandi póstburðarmenn á þeim tíma máttu ganga með og því er ljóst að bréfið og pakkinn sem fylgdi með hafa verið borin í hestalest. Bréfinu fylgdi  peningaböggull með 75 krónum sem skipt var niður í 10, 5, 2ja og eins aura peningamynt, en það jafgilti 37 ríkisdölum og 48 skildingum árið 1875. 

Aftur á forsíðu     Back