Brúarstimpillinn "Saurbær Borg" seldur á THonline fyrir metfé

Föstudaginn 6. júní lauk afar áhugaverðu uppboði á www.Thonline.dk en þar var brúarstimpillinn "Saurbær Borg" boðinn hæstbjóðanda. Stimpillinn hefur ekki áður komið fyrir augu brúarstimplasafnara og er jafvel talinn vera sá eini þekkti. Listaverð stimpilsins í Facit verðlistanum frá 2006 er 2.000 sænskar krónur, eða um 20.000 íslenskar krónur. Það verð reyndist vera mikið vanmat þar sem lokaverð stimpilsins á uppboðinu var 15.500 danskar krónur, eða rétt rúmar 200.000 ísl. kr. Ekki er vitað til þess að stakur íslenskur stimpill á frímerki hafi áður selst fyrir aðra eins upphæð. Það má ljóst vera að um þessar mundir hækkar verð á póstsögulegum hlutum með álíka hraða og Kínverks hlutabréf. Þess má að lokum geta að kaupandinn er frá einu Norðurlandanna.

Aftur á forsíðu     Back