Aðstandendur fyrirtækisins eru Saso Andonov sem hefur fengist við frímerkja og myntsölu undanfarin 10 ár ásamt kennslu við University of Maryland, University College og í viðskiptafræðum við Háskóla Íslands. Hann er hagfræðingur ættaður frá Makedoníu. Árni Þór Árnason rak fyrirtækið Austurbakka hf. umboðs og heildverslun um árabil og hefur verið öflugur frímerkjasafnari undanfarin ár. Þarna sameina þeir þekkingu og áhuga-mál og vonast til að geta fyllt bil sem er fyrir hendi á markaðnum, bæði heima og erlendis. Fyrsta uppboðið verður haldið 18. nóvember næstkomandi í Iðnó frá klukkan 10:00 - 17:00. Aðsetur fyrirtækisins er á Austurströnd 1 annarri hæð á Seltjarnarrnesi og opnunartími er frá kl 10 til 16.30 eða eftir samkomu-lagi.