Safnaramarkaður Gerðubergi

Laugardaginn 6. september n.k. verður haldinn Safnaramarkaður í Gerðubergi. Þar geta safnarar og grúskarar fundið eitthvað við sitt hæfi en markaðurinn er haldinn í tengslum við sýninguna Stefnumót við safnara III. Markaðurinn verður opinn frá kl. 13-16.

Söluborð kosta 2.000 kr. Upplýsingar og skráning: Hringið í síma 575 7700 eða sendið póst á netfangið  holmfridur.olafsdottir@reykjavik.is

Sýningin Stefnumót við safnara III er tileinkuð hljóðfærum og ýmsum hlutum sem allir tengjast tónlist á einn eða annan hátt. Þar gefur að líta ýmis konar hljóðfæri sem endurspegla bæði ástríðu nokkurra hljóðfærasafnara og einnig þá þróun hljóðfæra sem hefur orðið í gegnum aldirnar; allt frá frumstæðum ásláttarhljóðfærum til elektrónískra stílófóna.

Nokkrir safnarar sem taka þátt í sýningunni verða á staðnum til að svara spurningum forvitinna gesta. Auk þess verður Jón Baldur Hlíðberg, teiknari, með leiðsögn um sýningu sína Kynjaskepnur úr íslenskum þjóðsögum.

Aftur á forsíðu     Back