Sýslustimpill frá Strandasýslu

(Höfundur: Jóhannes Sigmarsson)

Skemmst er að minnast hreppsstimplasafns Helga Gunnarssonar á ReykSýn en þar gaf að líta embættisstimpla víðsvegar að af landinu, bæði á atkvæðaseðlum og öðrum stjórnsýslu gögnum. Flestir stimplarnir í safni Helga voru frá síðari hluta 20. aldarinnar. Nokkuð er til af eldri stimplum. Meðal annars rakst Jóhannes Sigmarsson, sem annars er betur þekktur fyrir brúarstimpla, á áhugaverðan embættisstimpil, gefum Jóhannesi orðið:

“Hér gefur að líta embættisstimpil frá Strandasýslu 1905. Stimpillinn er inní bréfi sem er ófrímerkt. Það virðist hafa tíðkast að póstur var sendur á milli bæja í Strandasýslu, og örugglega víðar, ófrímerktur. Sjálfur á ég töluvert safn af bréfum úr Strandasýslu, sem bæði eru forfilatelísk og filatelísk frá um 1840-1910 og eiga þau það sameiginlegt að vera ófrímerkt. Engu að síður finnst mér mikill sjarmi yfir þeim og ekki spillir þegar maður finnur svona fallegan stimpil eins og þennan.”

Aftur á forsíðu     Back