Fundargerð stjórnarfundar Félags frímerkjasafnara. 19. mars 2009, kl. 22:30 að Síðumúla 17.

1. Verkaskipting stjórnar. Gögn: Engin. Árni Þór Árnason var kosinn formaður á aðalfundi fyrr um kvöldið. Árni Gústafsson gjaldkeri. Kjartan J. Kárason ritari. Magnús Sigurðsson meðstjórnandi Hallur Þorsteinsson meðstjórnandi Gústaf A. Gústafsson var kosinn varamaður á aðalfundi fyrr um kvöldið.

2. Áherslur í starfi. Gögn: Engin. Farið yfir helstu atriði sem fram komu á aðalfundinum fyrr um kvöldið. Efla samskipti félaga á milli. Hallur skrifar stutta grein í næsta Safn þar sem félagar verða beðnir um að senda inn netföng sín. Þeir sem vilja, geta líka sent inn upplýsingar um sig, t.d. söfnunarsvið, sem væri hægt að birta á heimasíðu félagsins. HÞ 50 ára afmælisrit félagsins. Setja nýja stjórnarmeðlimi inn í stöðu málsins á næstu fundum. Nánari vinnsla á myndum Hjalta Jóhannessonar. Hjalti hefur fært 8 mm myndir, sem teknar voru af ýmsum viðburðum í félagsstarfinu, yfir á starfrænt form. Um er að ræða yfir 4 klst. af efni sem þarf að vinna úr. Allir sammála um að eitthvað þyrfti að gera í málinu. Ljósmyndir Páls Ásgeirssonar. Páll átti mikið safn ljósmynda úr félagsstarfinu sem væri áhugavert að birta, t.d. á heimasíðu félagsins.

3. Heimasíða félagsins. Gögn: Engin. Gústaf tilbúinn að vera ritstjóri heimasíðunnar. Þarf tæknimann til að lagfæra síðuna og vera til aðstoðar.

4. Norræna frímerkjasýningin Nordia 2009. Gögn: Engin. Sýningin verður haldin í Hafnarfirði, 29. til 31. maí. Félagið mun þurfa að aðstoða á ýmsan hátt. ÁG og KK eru í stjórn LÍF og í sýningarnefndinni. Nú þegar hefur verið óskað eftir að félagið taki á móti erlendum gestum í Síðumúla 17 fimmtudaginn 28. maí. Væntanlega þarf að vera með veitingar. Einnig er óskað eftir að frímerkjafélögin verði með happadrætti á sýningunni. Félögin fá sérstakan bás á sýningunni til að kynna starfsemi sína.

5. Önnur mál/sögustund. Heiðursverðlaunin sem Douglas Storckenfeldt fékk á ReykSýn 2007, málverk sem gefið var af Árnason & Andanov, er enn hjá ÍSSPOR, Sigurði R. Péturssyni. Fyrri formaður hafði lofað Douglas að koma málverkinu til hans í Svíþjóð og seinna hafði Saso tekið það að sér. Árni Þór gengur í málið. ÁÞÁ

6. Næsti fundur. Laugardaginn 18. apríl.

Aðgerðalisti: 19.03.2009-1. Safna netföngum og upplýsingum um félagsmenn. Hallur skrifar grein í næsta Safn og biður félagsmenn um að senda inn netföng og upplýsingar um söfnunarsvið sín. Félagsmenn geta ákveðið hvort upplýsingarnar verða birtar, t.d. á heimasíðu félagsins. HÞ 19.03.2009-2. Koma heiðursverðlaunum ReykSýn 2007 í réttar hendur. Árni Þór finnur lausn á málinu.

ÁÞÁ

Aftur á forsíðu     Back