Skýrsla stjórnar FF fyrir félagsárið 2008/2009

Starf félagsins hefur tekið litlum breytingum sl. starfsár og hafa félagsfundir verið haldnir annan fimmtudag hvers mánaðar auk þess sem opið hús hefur verið á hverjum laugardegi allt árið.

Helstu atburðir ársins voru sem hér segir: Á aðalfundi 27. mars 2008 var Brynjólfur Sigurjónsson kosinn formaður félagsins. Aðrir sem kosnir voru í stjórn voru: Árni Gústafsson, Kjartan J. Kárason, Magnús Sigurðsson, Gestur Baldursson og Jón Ólafsson.

Á fyrsta stjórnarfundi var Árni Gústafsson skipaður gjaldkeri, Kjartan J. Kárason ritari og varaformaður, Gestur Baldursson og Magnús Sigurðsson meðstjórnendur, Jón Ólafsson varamaður.

Félagsfundir: 17. apríl 2008 hélt Gestur Baldursson áhugaverðan fyrirlestur um Myndefni frímerkja. Góður rómur var gerður að þessum fyrirlestri og fulltrúum Íslandspósts sent afrit af fyrirlestrinum til sérstakrar skoðunar. 29. maí 2008 var haldið stórt uppboð með 155 uppboðsnúmerum. Engir félagsfundir voru yfir sumartímann, en opið hús engu að síður á laugardögum. Starfið byrjaði síðan af krafti í september. Laugardaginn 27. september 2008 var ráðgert að Össur Kristinsson myndi halda stutt námskeið í meðhöndlun frímerkja (þ.e. hvernig ætti að leysa upp frímerki / pressa og þerra). Gæludýrabúðin Fiskó að Dalvegi í Kópavogi hafði boðist til að gefa frímerki. Því miður náðist ekki nægileg þátttaka og ekkert varð að námskeiðinu þess vegna. 25. september 2008 hélt Indriði Pálsson fyrirlestur sem hann kallaði: „rabba“ um uppsetningu og skipulag á frímerkjasöfnum. Fundur þessi var vel sóttur, yfir 20 manns mættu. 1. nóvember 2008 hélt Fanney Kristbjarnardóttir tveggja klukkutíma námskeið í uppsetningu á frímerkjasöfnum með hjálp forritsins “Page Maker”. 5 einstaklingar tóku þátt. 23. október 2008 hélt Þorvaldur Þórsson fyrirlestur sem fjallaði um yfirprentunina “Í-GILDI ’02-’03”. 20. nóvember 2008 kynnti Sigurður R. Pétursson fyrir söfnurum stóru Nordíu sýninguna sem haldin verður hér á landi, nánar tiltekið í Hafnarfirði dagana 28-31 maí 2009. 22. janúar hélt Saso Andonov fyrirlestur um Íslenska kórónustimplar. 19. febrúar 2009 hélt Vilhjálmur Sigurðsson frá Íslandspósti hf. kynningu á frímerkjaútgáfum ársins 2009 hjá Frímerkjasölunni og nýjar áherslur varðandi almenna kynningu þeirra.

Á öllum félagsfundum voru haldnir flóamarkaðir í boði uppboðsnefndar en í henni starfa: Gestur Baldursson, Sveinn Ingi Sveinsson og Jóhannes Sigmarsson, og eiga þeir lof skilið fyrir mikið vinnuframlag. Er þeim hér með þökkuð óeigingjarnt starf á síðasta starfsári. Frímerkjasýningar Aðeins um frímerkjasýningar:

Frímerkjasýningin Frímsýn var ekki haldinn á árinu 2008 heldur var hún færð aftur til 24.-25. janúar 2009 til að gefa söfnurum meiri tíma til að setja upp söfn fyrir Nordiu 2009 í Hafnarfirði. Félagar í FF sendu söfn sín á eftirfarandi sýningar á síðasta starfsári: Ísrael (Hjalti Jóhannesson, Árni Gústafsson), Rúmenía (Hjalti Jóhannesson, Árni Gústafsson, Rúnar Þór Stefánsson, Sveinn Ingi Sveinsson), Vín (Árni Gústafsson, Sigtryggur Eyþórsson), Pragh (Hjalti Jóhannesson, Árni Gústafsson, Sigurður R. Pétursson), Stavanger (Sveinn Ingi Sveinsson, Brynjólfur Sigurjónsson, Árni Gústafsson, Hjalti Jóhannesson, Rúnar Þór Stefánsson, Ólafur Elíasson, Eiður Árnason, Sigtryggur Eyþórsson).

Annað sem tengist starfsemi Ff: Umsjón með húsi: Enginn sérstakur hefur haft umsjón með opnu húsi á laugardögum, en Kristmundur Hannesson hefur séð um að opna húsið klukkan 13:00. Árni Gústafsson sér eins og áður um kaffiveitingar á félagsfundum. Fjöldi félagsmanna hefur staðið í stað frá síðasta uppgjöri. Félagatalið telur tæplega 200 meðlimi. Samstarf við Íslandspóst: Samstarf við Íslandspóst hefur verið gott á liðnu starfsári. Frímerkjasalan hefur keypt auglýsingu af félaginu og styrkt það með því að kaupa helstu verðlista. Auk þess kosta þeir nú heimasíðu Félags frímerkjasafnara www.frimerki.is/ff. Á heimasíðunni er að finna flestar grunnupplýsingar um FF auk fróðleiks um frímerki og frímerkjafræði.

Eins og í fyrra hefur Ff staðið fyrir svokölluðum „Markaðslaugardögum“. Þeir eru haldnir fyrsta laugardag í hverjum mánuði og auglýstir sérstaklega í morgunblaðinu bæði á föstudegi og laugardegi. Góð venja er kominn á þetta fyrirkomulag og leggja fleiri leið sína uppí Síðumúla þessa auglýstu laugardaga til að fá verðmat á söfn sín og einnig til að selja og eða kaupa efni. Safnið (fréttabréf félagsins) hefur komið út alls 206 sinnum, 8 sinnum á árinu 2008 og hefur komið út þrisvar sinnum á þessu ári og er útlit fyrir að það muni koma út áfram með svipuðu sniði.

Fyrir hönd FF Brynjólfur Sigurjónsson

Aftur á forsíðu     Back