Lög

Félag frímerkjasafnara

1. gr.

Félagið heitir Félag frímerkjasafnara. Lögheimili þess er í Reykjavík.

2. gr.

Tilgangur félagsins er: að glæða áhuga á frímerkjasöfnun og að efla samskipti félaga sinna.

3. gr.

Tilgangi sínum hyggst félagið ná með reglubundnu fundarhaldi, fyrirlestrum, upplýsinga- og útgáfustarfsemi.

4. gr.

Félagsmaður getur hver sá orðið sem hlotið hefur samþykki félagsstjórnar.

5. gr.

Árgjald skal ákveðið á aðalfundi hvert ár. Stjórninni er heimilt að lækka árgjald þeirra sem náð hafa 67 ára aldri um ¾. Heimilt er að félagar 16 ára og yngri greiði hálft árgjald.

6. gr.

Hafi félagsmaður ekki gert skil á árgjaldi fyrir uppgjör ársreiknings, þá tapar hann réttindum sínum í félaginu, þar til hann hefur greitt. Greiði félagsmaður ekki félagsgjöld í tvö ár skal líta á það sem úrsögn úr félaginu.

7. gr.

Stjórn félagsins skipa fimm menn. Formaður, varaformaður, ritari, gjaldkeri og einn meðstjórnandi. Enn fremur skal kjósa einn varamann í stjórn. Stjórnin skal kosin skriflega á aðalfundi þannig: Formaður til eins árs, en aðrir stjórnarmenn til tveggja ára, þannig að þrír skulu kosnir hverju sinni. Kjósa skal tvo endurskoðendur og einn til vara. Stjórnin skiptir sjálf með sér verkum.

8. gr.

Stjórnin getur vikið mönnum úr félaginu, álíti hún framkomu þeirra félaginu til vansa; þó getur viðkomandi fengið málið tekið fyrir á félagsfundi.

9. gr.

Reikningsárið er almanaksárið.

10. gr.

Aðalfund skal halda í mars ár hvert. Til aðalfundar skal boða með skriflegri tilkynningu með minnst viku fyrirvara og er hann lögmætur án tillits hve margir mæta. Á aðalfundi skulu mál tekin fyrir í þeirri röð sem hér segir:

a) Kosning fundarstjóra

b) Formaður gefur skýrslu um störf félagsins á liðnu ári

c) Gjaldkeri leggur fram endurskoðaða reikninga

d) Skýrsla formanns og reikningar bornir upp til samþykktar

e) Lagabreytingar

f) Kosinn stjórn, endurskoðendur og fastar nefndir

g) Önnur mál

Á aðalfundinum ræður meirihluti atkvæða úrslitum allra mála nema lagabreytinga. Ef atkvæði eru jöfn, ræður atkvæði fundarstjóra enda sé hann ekki í stjórn félagsins.

11. gr.

Leggist starfsemi félagsins niður slulu eigur þess varðveittar í Landssambandi íslenskra frímerkjasafnara.

12. gr.

Lögum þessum má ekki breyta nema á aðalfundi með minnst 2/3 hluta atkvæða.

Reykjavík, 11. júní 1957

Með breytingum síðast í mars 2002.

Aftur á forsíðu     Back