Athyglivert umslag

Höfundur: Gestur Baldursson

Nýlega dúkkaði upp umslag sem er í meira lagi athyglivert fyrir margra hluta sakir. Eins og sjá má er það sent frá Vestmannaeyjum til Hafnarfjarðar árið 1934, með flugpósti, að því er virðist. Alþingishátíðarfrímerkin mátti einungis nota sem greiðslu burðargjalds í skamman tíma árið 1930, svo strax vakna spurningar um notkun þessa merkis hér. Burðargjaldið sjálft (10 aurar) er einnig of lágt miðað við flugpóst, hefði a.m.k. átt að vera 17 aurar (7 aurar fyrir prentað mál + 10 aurar fyrir flugpóst). Svo vaknar spurningin um hvort almennt hafi verið flogið með póst frá Vestmannaeyjum á þessum tíma? Póstflugi á Íslandi hafði verið hætt árið 1931, en eflaust tóku flugvélar póst framhjá kerfinu fyrir vini og kunningja gegn einhverri þóknun. Er svo raunin hér, sem gæti útskýrt frímerkið og burðargjaldið?

“Póst”stimpillinn er einnig athygliverður. Þar sem dagsetningarlína stimpilsins hlýtur að hafa þurft að vera breytileg, er ekki um hefðbundinn einfaldan gúmmístimpil að ræða. Hefur einhver séð þennan stimpil fyrr?

Hér er bakhlið umslagsins

Aftur á forsíðu     Back