Opið hús er alla laugardaga milli klukkan 13:00 og 16:00 í Síðumúla 17. Þar hittast safnarar til að rabba saman, kaupa, selja og skiptast á frímerkjum.

Félag frímerkjasafnara, FF, var stofnað þann 11. júní 1957. Stofnfundurinn var haldinn í Tjarnarcafé, Vonarstræti 10, og voru stofnendur 35 talsins. Í dag er fjöldi félaga rúmlega 200 og er starfsemi félagsins afar fjölbreytileg.Tilgangur félagsins er að glæða áhuga á frímerkjasöfnun og efla gagnkvæm samskipti félaga sinna. Tilgangi sínum hyggst félagið ná með reglulegu fundahaldi, fyrirlestrum auk upplýsinga- og útgáfustarfsemi. Félagið hefur staðið fyrir fundum að vetri til, fyrirlestrum, frímerkjasýningum, frímerkjauppboðum, útgáfu fræðslurita, fyrstadagsumslaga, jólamerkja og fréttablaðs, svo eitthvað sé nefnt.

Félag frímerkjasafnara, Síðumúla 17, 108 Reykjavík, Kt: 450570-0449, Sími: 5688520